«2013-ին ես՝ ինքս, Գյումրիից քայլարշավ արել եմ։ Որպես տեխնոլոգիական քայլ՝ կարելի է օգտագործել, ես որևէ խնդիր չեմ տեսնում։ Ամսի 9-ին եթե միասնական ճակատ ձևավորվի, ժողովուրդը կլինի, եթե ոչ, չեմ կարծում, որ քայլերթը, կամ որևէ ուժ միայնակ որևէ արդյունք տա։ Եվ հենց դա էր պատճառը, որ «Ժառանգությունը» որոշեց միայնակ որևէ քայլ չանել, այլ փորձել միասնական հարթակ ձևավորել կամ եղած միասնական հարթակներին աջակցել»,- «Առաջին լրատվական»-ի հետ զրույցում ասաց «Ժառանգություն» կուսակցության վարչության նախագահ Արմեն Մարտիրոսյանը։
Նա չնշեց, թե կոնկրետ որ կետերի շուրջ ՔՊ-ի հետ համաձայնության չեն եկել, սակայն նշեց, որ եթե քաղաքական ուժերը միանան, հասարակությունը նույնպես կմիանա․ «Միայն միասնական ընդդիմադիր ճակատի դեպքում է, որ քաղաքացին հնարավոր է միանա։ Քաղաքացին պահանջում է միասնականություն, և միասնականության պարագայում կաջակցի ընդդիմությանը։ Հասկանալի է, որ միայնակ պայքարն արդյունք չի տալիս»։
«Եթե որևէ ուժ՝ անկախ անունից, փորձում է սեպարատ գործողություն անել, այդ դեպքում աջակցում է իշխանությանը»,- հավելեց Արմեն Մարտիրոսյանը։
Ամբողջությամբ՝ տեսանյութում։
