ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինի հետ կայացրած հեռախոսազրույցի ընթացքում առաջարկել է երկկողմ հանդիպում անցկացնել Սպիտակ տանը: Այդ մասին հայտարարել է ՌԴ նախագահի խորհրդական Յուրի Ուշակովը՝ տեղեկացնում է RIA Novosti-ն:
«Եթե ամեն ինչ նորմալ ընթանա, ապա ես հույս ունեմ, որ ամերիկացիները չեն հրաժարվի գագաթնաժողով անցկացնելու հնարավորությունը քննարկելու շուրջ իրենց առաջարկից: Մեր նախագահների հեռախոսազրույցի ընթացքում Թրամփն առաջարկել է առաջին հանդիպումն անցկացնել Վաշինգթոնի Սպիտակ տանը»,- ասել է Ուշակովը:
Նա նաև նշել է, որ չնայած տիրող իրավիճակին Մոսկվան հույս ունի, որ կստացվի քննարկել Ռուսաստանի և ԱՄՆ նախագահների հանդիպման հնարավորությունը:
