Ռիգայում սուպերմարկետի փլուզման հետևանքով զոհերի թիվը, վերջին տվյալներով, հասել է 32-ի: Այս մասին Հաղորդում է RIA Novosti-ն՝ վկայակոչելով Լատվիայի հրշեջ-փրկրարարական ծառայությանը:
Ծառայության տվյալներով՝ զոհվածների թվում է երեք փրկարար: Արտակարգ դրության վայրում աշխատում է շուրջ 200 փրկարար և 200 ոստիկան: Վիրավորվել է 40 մարդ, նրանցից շատերը ծանր վիճակում են:
Լատվիայի նախագահ Անդրիս Բերզինշը հայտարարել է, որ երկրում սուգ կհայտարարվի՝ ի հիշատակ ողբերգության զոհերի:
Հիշեցնենք, որ Maxima առևտրի կենտրոնը փլուզվել է նոյեմբերի 21-ի երեկոյան: Սկզբում փլվել են սուպերմարկետի տանիքը և պատերից մեկը: Երբ դեպքի վայր են ժամանել փրկարարները, փլվել է ևս մեկ պատ:
