Ուրանի հարստացում իրականացնելու հնարավորությունը բոլոր երկրների իրավունքը չէ, որոնք միացել են Քիմիական զենքի չտարածման մասին պայմանագրին: Հարց, թե Իրանը կարո՞ղ է զբաղվել նման գործունեությամբ, պետք է որոշվի ոչ հիմա, այլ Իրանի ու «վեցյակի» բանակցությունների ավելի ուշ փուլում: Վաշինգտոնի նման դիրքորոշումն է չորեքշաբթի հայտնել պետքարտուղար Ջոն Քերին՝ փոխանցում է ITAR-TASS-ը:
Արտգործնախարարների ու պաշտպանության նախարարների՝ «2+2» ձևաչափով ամերիկա-ավստրալական բանակցությունների արդյունքներով մամլո ասուլիսի ժամանակ ելույթ ունենալով՝ նա նախևառաջ հաստատել է, որ Օբամայի վարչակազմի տեսանկյունից ներկայումս «վեցյակն» ու Թեհրանը ունեն Իրանի միջուկային ծրագրի առաջընթացը դադարեցնելու՝ տասնամյակում լավագույն հնարավորությունը:
Քերին ընդգծել է, որ ԱՄՆ-ը բազմիցս հայտարարել է, որ խաղաղ միջուկային էներգիայի կիրառման իրավունքի հարցում չի մերժում Իրանին, ինչպեսև այլ երկրների, որոնք ստորագրել են պայմանագիրը:
