Այաթոլլա Ալի Խամենեին կոչ է արել Իրանից չվերցնել միջուկային իրավունքները: Այս մասին Իրանի գերագույն ղեկավարը հայտարարել էր Ժնևում Իրանի ու «վեցյակի» բանակցությունների նախաշեմին: Նա ընդգծել է, որ Իրանը հանդես է գալիս բոլոր երկրների հետ՝ ներառյալ ԱՄՆ-ի, բարեկամական հարաբերությունների օգտին:
«Մենք ցանկանում ենք բարեկամական հարաբերություններ բոլոր երկրների հետ՝ չբացառելով նույնիսկ ԱՄՆ-ին… Մենք թշնամաբար տրամադրված չենք ամերիկացի ժողովրդի դեմ, այն նման է աշխարհի մյուս բոլոր ժողովուրդներին»,- ասել է Իսլամական Հանրապետության հոգևոր առաջնորդը՝ ելույթ ունենալով ժողովրդական աշխարհազորի ջոկատների հրամանատարների հետ հանդիպմանը:
Խամենեին նշել է, որ Իրանը ոչ մի քայլ չի զիջի միջուկային ծրագրի իր իրավունքներից: Նոյեմբերի սկզբին այաթոլլան աջակցություն էր հայտնել բանակցություններին, սակայն նշել էր, որ դրանց վերաբերում է առանց լավատեսության:
