Մոսկվայի «Սպարտակ»-ի գլխավոր Մարզիչ Վալերի Կարպինը պատասխանել է Championat.com-ի թղթակիցների հարցերին՝ անդրադառնալով նաև Հայաստանի ազգային հավաքականի հարձակվող Յուրա Մովսիսյանին:
«Մովսիսյանն ու Ռեբրովը լուրջ ներդրում ունեն թիմի հաջողություններում: Բայց որևէ մեկին առանձնահատուկ շնորհակալություն չեմ հայնում: Դա ձեր գործն է: «Թերեք»-ի դեմ խաղում հեթ-տրիկից հետո անընդհատ գովեստի խոսքեր էինք հղում, իսկ մրցաշրջանի մնացած խաղերում նա 1 գոլ խփեց:
Ես Պեսյակովին 3 «չոր» խաղերից հետո չեմ կարող թողնել պահեստայինների նստարանին: Պատահականություն չէ, որ նա «Ռուբին»-ի դեմ խաղում անառիկ պահեց դարպասը: Նույն հաջողությամբ կարելի է ասել, որ Մովսիսյանը պատահաբար հեթ-տրիկ ձևակերպեց «Զենիթ»-ի դեմ խաղում: Պատահականություն չէ՞, որ Հուբոչանը չկարողացավ գնդակը դուրս բերել տուգանայինից, կամ Տինո Կոստայի հարվածը, որը դեպի դարպասը շարժվելու փոխարեն հայտնվեց Մովսիսյանի մոտ:
Հնարավոր է՝ հարձակման գծում մրցակցության թուլացումն օգնեց Մովսիսյանին: Մինչ այդ Էմենիկեն 3 գոլ էր խփել 3 կամ 4 խաղերում, իսկ հետո Յուրան սկսեց խաղալ և սկսեց գոլեր խփել: Յուրայի որակներին ծանոթ էին նաև հեթ-տրիկներից առաջ: Կարծիքը նրա մասին չի փոխվել:
Մովսիսյանի բազմակողմանի խաղի բացատրությունն անընդհատ մարզումներն են: 2 ոտքերով կայուն խաղի հնարավոր է հասնել 25 տարիների ընթացքում: Արտասովոր ոչինչ չեմ տեսնում: Մինչև «Սպարտակ» տեղափոխվելը, իմ ձախ ոտքը, օրինակ, միայն քայլելու համար էր: Չեմ կարող ասել, որ այն հիանալի դարձավ, բայց ես այն սկսեցի ավելի շատ օգտագործել:
Կխաղա նա ԲԿՄԱ-ի դեմ, թե ոչ, կախված է նրա վիճակից ու տրամադրվածությունից: Տեսնենք՝ ինչպես նա կմարզվի հաջորդ շաբաթ՝ ընդհանուր խմբի հետ: Հուսով եմ՝ ծնկի հետ ամեն ինչ կարգին կլինի: Եթե նա չկարողանա խաղալ, կխաղան Բարիոսն ու Ուորիսը:
Օլեգ Իվանովիչը մեզ ասում էր«Տղաներ, եթե ֆուտբոլիստն արթնանում է առանց ցավերի, ուրեմն նա մահացել է»: Այո, նա դեռ վաղուց էր ցավեր զգում ծնկի հատվածում, բայց դա նրան չէր խանգարում մարզվել: Չնայած, երբեմն մենք թեթևացնում էինք ծանրաբեռնվածությունը»:
