Մեգան Մարքլը «The Tig» լայֆ–սթայլ բլոգն էր վարում, որը նա ստիպված եղավ փակել արքայազնի հետ սիրավեպի մասին հայտնի դառնալուց հետո։ Սակայն օրերս լրագրողները ևս մի ինտերնետային օրագրի գոյության մասին են պարզել, որը դերասանուհին վարել է 2010-2012 թվականներին։
Փաստերը համադրելով՝ լրագրողները պարզել են, որ «The Working Actress» անոնիմ բլոգի հեղինակը արքայազնի ապագա հարսնացուն է եղել։
Մեգանը գրել է, որ հաջողված քասթինգները նա նշել է շամպայնով, իսկ անհաջողների դեպքում լաց է եղել անկողնում՝ մի շիշ գինիով և թխվածքաբլիթների տուփով։
Իր օրագրում Մարքլը պատմել է, որ պրոդյուսերները պնդել են, որպեսզի արդյունավետ աշխատելու համար դերասաններին վիտամիններ սրսկեն։ Դերասանուհին մանրամասն պատմել է նաև բոլոր նվաստացումների մասին, որոնց միջով ստիպված է եղել անցնել, ինչպես նաև բռնապետ ռեժիսորների և գարշելի մրցակցուհիների մասին, ում հետ նրան բախտ է վիճակվել հանդիպել։
