Սիրիական իսլամիստ ընդդիմադիր խմբավորումներից մեկի առաջնորդը՝ Աբդելղադեր Սալեհը, ստացած վերքերից մահացել է Թուրքիայի հիվանդանոցներից մեկում: Այս մասին հաղորդում է BBC-ն՝ վկայակոչելով ընդդիմության ակտիվիստներին:
Սալեհը գլխավորել է «Թաուհիդ» ջոկատը, որը վերահսկել է Հալեպի շրջանը: Որոշ տվյալների համաձայն՝ խմբավորմանն աջակցել է Կատարը:
Իսլամիստը վիրավորվել էր նախորդ շաբաթ՝ կառավարական զորքերի հարձակման ժամանակ:
Ավելի վաղ Դամասկոսը 200 հազար դոլար էր խոստացել Սալեհին ողջ կամ մեռած հայտնաբերելու համար:
Նշենք, որ կիրակի Լոնդոնում տեղակայված Syrian Observatory for Human Rights իրավապաշտպան կազմակերպությունը հաղորդել էր, որ երկրի մայրաքաղաք Դամասկոսի մոտ տեղակայված ռազմաբազայում ուժգին պայթյունի հետևանքով զոհվել են Սիրիայի կառավարական զորքերի 31 զինծառայողներ, այդ թվում՝ չորս գեներալներ:
