Դավթաշենի 2-րդ թաղամասի նորակառույց շենքի բնակիչներն այսօր իրենց ակցիան սկսեցին կառավարության շենքի մոտից հասնելով «Արցախ» բանկ: Նրանք 2006-ին պայմանագրեր են կնքել «Տոնուս» ՍՊԸ-ի հետ, որը կեսից սնանկացել է և բնակիչներին թողել բախտի քմահաճույքին:
«Բարգավաճ Հայաստան» կուսակցության անդամ Աշոտ Տոնոյանը (Տոնուսի Աշոտ) խաբել է բնակիչներին՝ նախ պահանջելով մուծել բնակարանի արժեքի 50 տոկոսը: Այս տարիների ընթացքում վճարել են 30 տոկոսը, 20 տոկոսը պետք է վճարեին բնակարանները ստանալուց հետո: Սակայն Տոնուսի Աշոտը սնանկ է ճանաչվել և շենքը «Արցախ» բանկում գրավի տակ դրել: Հիմա «Արցախ» բանկը բնակիչներին կանգնեցրել է փաստի առաջ՝ պահանջելով մեկ քառակուսու դիմաց վճարել 900 դոլար, մինչդեռ բնակիչները մինչ այդ վճարել են դրա կեսը:
Բնակիչները ներխուժել են Սայաթ-Նովայի փողոցում գտնվող «Արցախ» բանկի «Նաիրի» մասնաճյուղ` պահանջելու վերադարձնել իրենց բնակարանները, հայտարարելով, որ այլապես իրենք կգիշերեն բանկում:
Այդպես էլ ոստիկանությանը և բանկի անվտանգության աշխատակիցներին չհաջողվեց զսպել բնակիչների զայրույթը: «Արցախ» բանկի տարածքից, սակայն այս պահին Սայաթ-Նովայի փողոցի «Արցախ» բանկի կառավարիչ Զոհրապ Ավետիքյանի հետ առանձնազրույցում բնակիչներից մի քանիսը փոխանցել են իրենց պահանջները, իսկ նա էլ խոստացել է ղեկավարներին տեղեկացնել այդ մասին:
Թեև կառավարչին հանդիպած բնակիչները խոստացել են թողնել բանկի տարածքը, սակայն այդպես էլ դեռ չեն հեռացել: «Մենք այստեղ ենք գիշելրելու, չենք գնալու, մինչև հարցը լուծում չստանա»,- ասում են նրանք:
Բնակիչները պնդում են, որ չեն վճարելու «Արցախ» բանկի սահմանած նոր գները՝ դա համարելով կամայականություն: Նրանք հույս ունեն, որ Սերժ Սարգսյանը կմիջամտի խնդրին, և այն կլուծվի:
