Քսանամյա հղի Քայլի Ջեները, ամենայն հավանականությամբ, խորը ընկճախտի մեջ է։ Աղջիկն արդեն երկար ժամանակ է դուրս չի գալիս տնից և եթե ինչ–որ մեկն ուզում է նրան տեսնել, ապա հյուրը պետք է նախօրոք հանձնի բջջային հեռախոսը, ինչպես նաև պայմանագիր ստորագրի՝ տեղեկատվության չտարածման վերաբերյալ։
Հղիության լուրերից հետո, քսանամյա Քայլին կտրուկ փոխել է իր կենսակերպը։ Նա այժմ չափազանց շատ է տարբերվում իր աստղային ընտանիքի մյուս անդամներից. հազվադեպ է սոցցանցերում լուսանկարներ տեղադրում, մարդկանց մեջ դուրս չի գալիս։ Երկրպագուները նաև նկատել են, որ աղջիկը շատ է չաղացել։ Քայլին ամաչում է իր հղիությունից և կարծում է, որ այլևս այնքան գեղեցիկ չէ, որքան իր քույրերը։ Նա նույնիսկ չի այցելել Քիմի նորածին դստերը, այլ միայն վարդերի մի մեծ փունջ է ուղարկել։
