Վերջին 10 տարիների ընթացքում Երևանի 2120 կմ ջրամատակարարման ցանցից վերակառուցվել կամ փոխարինվել է ընդամենը 120 կմ հատվածը՝ 6.3%-ը։ Այս մասին այսօր լրագրողների հետ հանդիպման ժամանակ ասաց «Երևան Ջուր» ՓԲԸ հաճախորդների հետ փոխհարաբերությունների գծով տնօրեն Գագիկ Մարգարյանը։
«Մենք այսօր գործ ունենք ֆիզիկապես մաշված ջրամատակարարման ցանցի հետ, ընդ որում ջրամատակարարման խողովակների միջին տարիքը 40 տարի է, այսինքն՝ կան հատվածներ, որոնց տարիքը 40-ից էլ ավելի է։ Հաշվարկվել է, որ համակարգի վերակառուցման համար նվազագույնը 600 մլն դոլար է անհրաժեշտ։ Վերջին 10 տարիներին Համաշխարհային բանկի և 2 օպերատորների կողմից ընդամենը 40 մլն դոլար է ներդրվել»,- ասաց Գ.Մարգարյանը։
