Հռոմի պապը հայտարարել է, որ կանայք չպետք է ամաչեն Սիքստինյան կապելլայում երեխաներին կրծքով կերակրելուց։
«Եթե նրանք սկսում են ելույթ ունենալ (լացել), եթե նրանց համար անհարմարավետ է կամ չափազանց շոգ, եթե նրանք սոված են, կերակրե՛ք նրանց կրծքով և մի՛ ամաչեք, չէ՞ որ դա նույնպես սիրո լեզու է»,-ասել է հովվապետը։
Հունվարի 7-ին Հռոմի պապն անցկացրել է Սիքստինյան կապելլայում 34 երեխաների մկրտության արարողություն։ Արարողությունից առաջ ելույթ ունենալով՝ հովվապետը կոչ էր արել ծնողներին խոսել երեխաների հետ բացառապես սիրո լեզվով, քանի որ դա դուր է գալիս Հիսուսին։ Ֆրանցիսկոսը հավելել է, որ կանայք կարող են չամաչել և կերակրել երեխաներին Սիքստինյան կապելլայում։
