Տեխաս նահանգում՝ Հյուսթոնում, վիետնամական խոհանոցի ռեստորանում ակվարիումը ճեղքվել է, և մատուցողները փորձել են հաստատությունը փրկել աղբի տարաների միջոցով: Դեպքը տեսագրել է այցելուներից մեկը՝ Վենդի Յանգը, ով հոլովակը հրապարակել է իր ֆեյսբուքյան էջում:
Կինը մոր հետ ռեստորան է գնացել Սուրբ ծնունդի նախօրեին, սակայն ընտանեկան երեկոն ըստ ծրագրի չի ընթացել:
«Մեծ ակվարիումն անսպասելիորեն ճեղքվեց: Ռեստորանի աշխատակիցներն անմիջապես սկսեցին մաքրել, իսկ հաճախորդներին շարունակում են սպասարկել»,- նշել է Յանգը:
Կադրերում երևում է, որ մատուցողները հեղեղի դեմ պայքարել են աղբի տարաներով: Սակայն այդ միջոցն այնքան էլ հաջող չի եղել, քանի որ տարաների ծավալը չի բավարարել: Յանգը նշել է, որ ակվարիումում ապրող ձկներին մատուցողները ցանցերով բռնել են, բայց ոչ բոլորին է հաջողվել փրկել:
Տեսանյութը դիտել է ավելի քան 8 000 մարդ:
