Հայ-թուրքական հարաբերությունները շարունակում են մնալ ամբողջական քաղաքական, դիվանագիտական, տնտեսական փակուղու մեջ: Այսօր լրագրողների հետ զրույցում այս մասին հայտարարեց ԱԺ արտաքին հարաբերությունների մշտական հանձնաժողովի նախագահ, ՀՀԿ փոխնախագահ Արմեն Աշոտյանը:
«Հայկական կողմի նախաձեռնությամբ ստորագրված հայ-թուրքական արձանգրություններն այլևս քաղաքական օրակարգի մաս չեն լինելու 2018թ.-ի գարնանից սկսած: Այն ակտիվությունը, որով թուրքական կողմը փորձում է արդարացնել այդ պրոտոկոլների տապալումը, վկայում է այն մասին, որ Թուրքիան ունի որոշակի «երեսը փրկելու» կարիք: Բոլորը ջանքերը՝ փրկելու երեսը, տապալված են, որովհետև բոլորը գիտեն, թե ում պատճառով է տապալվել հայ-թուրքական կարգավորման գործընթացը»,- ասաց Աշոտյանը:
