2016թ. ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի, Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի եւ Էդվարդ Գրիգորյանի գործով հերթական դատական նիստում, որի ընթացքում այսօր հրապարակվում են գործում առկա գրավոր փաստաթղթերը, ամբաստանյալների պաշտպաններից փաստաբան Արայիկ Պապիկյանը միջնորդեց դրան մասնակից դարձնել նաև Ժիրայր Սեֆիլյանին (կալանավորված է ապօրինի զենք-զինամթերք տեղափոխելու, շենք-շինություններ զավթելու փորձի մեղադրանքով):
Պավլիկ Մանուկյանը պահանջեց դատարան բերել Ժիրայր սեֆիլյանին․ «Բերեք Սեֆիլյանին, այլապես վեր կկենամ ու կգնամ նիստերի դահլիճից… Վերջապես «արդարադատություն» և «կառափնարան» հասկացություններն իրարից պետք է տարբերե՞լ, թե՝ ոչ»՞,-նշեց նա:
