Երեկ Apple ընկերությունն իր ամենամյա կոնֆերանսի ժամանակ ընտրել է իր սարքերի համար նախատեսված 12 լավագույն հավելվածները:
iPhone հեռախոսների համար լավագույն հավելվածներն են.
• Infinity Blade. խաղ, որը թույլ է տալիս հեռախոսատերին թրով և բռունցքներով ճանապարհ բացել հաղթանակի համար: Արժանացել է քննադատների բարձր գնահատականներին, ինչպես նաև օգտատերերի ընդունելությանը գեղեցիկ գրաֆիկական լուծումների շնորհիվ:
• Golfscape GPS Rangefinder. գոլֆի սիրահարների համար նախատեսված հավելված:
• Cut the Rope. հանրահայտ arcade խաղի Apple-ների սարքերի համար նախատեսված հավելված:
iPad-ի լավագույն երեք հավելվածներն ունեն հետևյալ տեսքը.
• djay. հավելված սկսնակ դի ջեյների համար, որը թույլ է տալիս պլանշետային համակարգչի միջոցով կազմակերպել գեղեցիկ «փարթիներ»:
• Osmos. խաղ, որի ժամանակ դուք վերածվում եք փոքր միկրոմարմնի, որը պետք է ուտի իրենից փոքր մարմիններին և խուսափի մեծերից:
• Our Choice. հետաքրքիր ձայնային և գրաֆիկական լուծումներով հագեցած խաղ:
Որոշվել են մի շարք այլ լավագույն հավելվածներ Mac OS X օպերացիոն համակարգի համար, ինչպես նաև «լավագույն հավելված՝ կատարված ուսանողի կողմից» անվանակարգում: