Ֆինասների նախարար Վարդան Արամյանը կարծում է, որ նախարարը չունի այն մանդատը, որ մեկնաբանի Սերժ Սարգսյանի հնչեցրած հայտարարությունները համայնքի ղեկավարների աշխատանքի վերաբերյալ: Նախարարի խոսքերով՝ եթե ինքը թալանի որևէ դեպք իմանա՝ տեղյակ կպահի համապատասխան մարմիններին։ Սերժ Սարգսյանը նաև ասել էր, որ 2025 թվականի դրությամբ, առանձին վերցրած, յուրաքանչյուր մարզում մեկ շնչի հաշվով ՀՆԱ-ն կգերազանցի մեկ շնչի հաշվով ՀՆԱ-ի միջին հանրապետական ցուցանիշի 60 տոկոսը, և մեկ շնչի հաշվով ՀՆԱ-ի 70%-ից ցածր կգտնվի մարզերի բնակչության ոչ ավելին, քան 30%-ը, և խնդիրը հետևյալում է, որ այնպես պետք է անենք, որպեսզի եկամուտները բաշխվեն հնարավորինս համաչափ, չլինի մեկը հատակին մոտ, մյուսը` գագաթին: Սերժ Սարգսյանն ասել էր, որ մի քանի տարի հետո ՀՀ-ն մեկ շնչի հաշվով 10 000 դոլարին համարժեք ՀՆԱ է ունենալու։
«Կարծում եմ, որ հիմնականում դա հորդոր էր, որ մենք պետք է ավելի կանոնակարգված ձևով, պատշաճ աշխատենք, հավակնենք ավելի բարձր տնտեսական աճի, որպեսզի այն ամբիցիոզ ծրագրերը, որը որ դուք հիմա ասում եք, մենք կարողանաք իրականացնել։ Երեկ ես ևս դրա մասին խոսեցի, բարձր տնտեսական աճը, հավատացեք, հենց այնպես չի լինում, դրա համար դու պետք է ջանք գործադրես, դրա կարևորագույն հենասյուներից մեկը համայնքների համաչափ զարգացումն է։ Հասկանում եք, եթե քեզ մոտ տնտեսությունը կենտրոնացված է միայն Երևանում և շուրջ 60 տոկոս ՀՆԱ-ն Երևանում ու նրա շրջակա միջավայրում է ստեղծվում, դա խնդիր է, մուլտիպլիկատիվ էֆեկտը չի աշխատում։ Նախագահի հորդորը այն մասին, որ դա որպես ուղղորդիչ էնպես անենք, որպեսզի մեր տնտեսության համաչափ տարածքային զարգացումը աշխատի, դրա համար մեզ պետք են չափիչ գործիքներ»,-շեշտեց նա։
Մանրամասները՝ տեսանյութում։