Հայտնի հոլիվուդյան դերասաններ՝ 48-ամյա Քեթրին Զետա-Ջոնսն ու 73-ամյա Մայքլ Դուգլասն արդեն 17 տարի ամուսնացած են։ Երեկ նրանք հանդիսավորությամբ տոնել են իրենց վարդագույն հարսանիքը։
Տոնի առիթով Քեթրինը հրապարակել է հարսանիքից արխիվային լուսանկար և հուզիչ շնորհավորական ուղերձ հղել ամուսնուն։ Նրանք ամուսնացել էին Նյու Յորքի Plaza հյուրանոցում՝ 2000 թվականի նոյեմբերի 18-ին։
Ինչպես բոլոր զույգերի մոտ, Քեթրինի և Մայքլի մոտ եղել են ճգնաժամային իրավիճակներ, սակայն զույգը համառորեն պայքարել ու հաղթահարել է։ 2013 թվականի ամուսինները հեռացել էին միմյանցից ընտանեկան խնդիրների պատճառով, որոնք առաջ էին եկել դերասանուհու մոտ երկբևեռ խանգարման պատճառով։ Այն հավանաբար առաջ էր եկել այն բանից հետո, երբ 2010 թվականին ամուսնու մոտ կոկորդի քաղցկեղ էր ախտորոշվել։
