Մուգաբեին վտարած կուսակիցները նրա հեռացումը տոնել են երգ ու պարով

Զիմբաբվեի իշխող ZANU-PF կուսակցության անդամները նախագահ Ռոբերտ Մուգաբեին կուսակցությունից բացառելը տոնում են երգ ու պարով։ Համապատասխան տեսանյութը հրապարակվել է YouTube վիդեոհոսթինգում։

Ավելի վաղ հայտնի էր դարձել, որ իշխող կուսակցության Կենտկոմը հեռացրել է Մուգաբեին կուսակցության ղեկավարի պաշտոնից և նրան մինչ երկուշաբթի կեսօր ժամանակ տվել նախագահի պաշտոնը լքելու համար, այլապես նրա դեմ իմփիչմենթի ընթացակարգ կսկսվի։ Մուգաբեն, նրա կինն ու ֆինանսների նախարարը ներկա պահին գտնվում են տնային կալանքի տակ։

Հիշեցնենք, որ նոյեմբերի 15-ին զինվորականներն իրենց վերահսկողության տակ էին վերցրել պետական ZBC հեռուստառադիոընկերության շենքը, ինչպես նաև կառավարական շենքերը։