Մալաթիայի գյուղմթերքի շուկայում տարեցտարի գնորդների պակասն ակնհայտ է դառնում։ Առևտուր չկա։ Դա փաստում են բոլորը։ Գեղանիստից Երևան հասած գյուղացին 5 օր շարունակ չի կարողանում մի պարկ գազար ու բազուկ վաճառել։ Պատրաստվում է հետ տանել բանջարեղենն ու դրանով կերակրել իր անասուններին։
Գյուղացիները դժգոհում են՝ առաջ կարողանում էին իրենք ապրանքը տանել Վրաստան, վաճառել, իսկ հիմա ԵՏՄ-ի պատճառով, փոփոխված օրենքների պատճառով չեն կարողանում գնալ, մաքսատուրքերը թանկացել են, ձեռք չի տալիս Վրաստան հասնելը։ Արդյունքում՝ ապրանքը բերում են Երևանի շուկաներ, փչացնում են, տանում թափում։
Մեր նկարահանման պահին կանաչի վաճառող մի տարեց մարդ կանաչիները վերցրած բարձրաձայն կանչում էր, որ նվիրում է դրանք, ձրի տալիս է ցանկացողներին, միայն թե վերցնեն, թողնի գնա տուն։
Եվ այս պայմաններում նրանք վճարում են տեղի վարձ, որոշակի այլ վճարներ։
Առավել մանրամասն՝ տեսանյութում։
