2016 թվականին ասիական տարածաշրջանն առաջ է անցել ԱՄՆ-ից դոլարային միլիարդատերերի թվով։ Այս մասին հայտնում է Bloomberg-ը՝ հղում անելով UBS Group ֆինանսական հոլդինգի հետազոտությանը։
Ասիայում միլիարդատերերի թիվը մեծացել է 117-ով և հասել 637-ի, մինչդեռ նրանց թիվն ԱՄՆ-ում կազմում է 536։ Անցած տարի աշխարհում ամենահարուստ մարդկանց համընդհանուր կարողությունը ցուցաբերել է 17 տոկոսի աճ և կազմել 6 տրիլիոն դոլար։ Ամերիկացիները նախկինի պես վերահսկում են առավել մեծ դրամական զանգվածը՝ 2.8 տրիլիոն դոլար, մինչդեռ Ասիայում այդ ցուցանիշը կազմում է 2 տրիլիոն դոլար։
Նշվում է, որ աճը հիմնականում տեղի է ունեցել Չինաստանի տնտեսական զարգացման շնորհիվ։ Այնտեղ նոր միլիարդատեր է ի հայտ գալիս 3 շաբաթը մեկ։ 2016 թվականին ի հայտ եկած բոլոր միլիարդատերերի 75 տոկոսը եղել է ծնունդով Չինաստանից և Հնդկաստանից։
