Կանազի մշակութային տունը Կանազ գործարանի վաճառքից հետո մնացել էր անտեր, Մարդ պետք է բարբարոս լիներ այդ շենքը այդ վիճակին հասցնելու համար: Այս մասին լրագրողների հետ զրույցում «Մեա Կուլպա 2» ներկայացումից հետո ասաց Հրանտ Թոխատյանը:
«Իմ երազանքն է միշտ եղել ունենալ մանկական թատերասկան դպրոց եւ թատրոն: Մենք ուզում ենք այդ շենքը խելքի բերել: Այդ շենքը ոչ-ոքին նվեր չի տրվել, դա պետական շինություն է: Ես դիմել եմ վարձակալության, ինձ բացատրել են, որ պետք է դիմում գրվի: Ես դիմել եմ 99 տարով»,- նշեց Հրանտ Թոխատյանը՝ ասելով, որ իրեն հավատալով մարդիկ գումար տալու են երազանքի իրկանացման համար:
«Այդ դպրոցը կլինի, ուզի դա Փոստանջյանը, թե՝ ոչ, ինձ դա բոլորովին չի հետաքրքրում: Եթե այնտեղ աշխատի բենզալցակայան, ռեստորան կամ խաշանոց, կգաք և կասեք՝ ամոթ Ձեզ»:
