LG ընկերությունը իր նոր՝ G2 սմարթֆոնի գովազդը բաժանում է Samsung Galaxy-ի, iPhone-ի և HTC-ի տերերին: Ինչպես հայտնում է Business Insider-ը՝ այդ գովազդային հայտարարություններում ապրանքանիշը ծաղրել է մրցակիցների սմարթֆոնները:
Մասնավորապես, Samsung Galaxy-ի տերերին հարց է տրվում՝ չափազանց երկար չե՞ն արդյոք սպասում տվյալների ներբեռնմանը: Ինչպես վստահեցնում է LG-ն, իր G2 սմարթֆոնում տեղադրված Snapdragon 800 պրոցեսորն աշխատում է 20 տոկոսով ավելի արագ:
iPhone-ի տերերը ստանում են գովազդային հայտարարություն՝ գրված մանր տառատեսակով: Նրանում հարց է տրվում՝ արդյոք դժվար չէ՞ այդպես կարդալը: Ընկերությունը նշում է, որ iPhone-ի 4 դյույմանոց դիսփլեյը չի կարող համեմատվել G2-ի էկրանի հետ, որը մեկ դյույմով ավելի մեծ է:
Իսկ ահա HTC-ի տերերին հարցնում են՝ արդյոք նրանք չե՞ն հոգնել իրենց սմարթֆոնը լիցքավորելուց: Գովազդում հաղորդվում է, որ G2-ի մարտկոցն աշխատում է 30 տոկոսով ավելի երկար:
Գովազդային հայտարարությունների հեղինակը Ստոկհոլմի M&C Saatchi ընկերությունն է:
