Թուրքիայի իշխանությունները Ստամբուլում ԱՄՆ գլխավոր հյուպատոսության ևս մեկ աշխատակցի ձերբակալության արտոնագիր են տվել: Նրան կասկածում են գյուլենականների հետ կապ ունենալու մեջ, որոնց մեղադրում են Թուրքիայում 2016 թ. հուլիսին պետական հեղաշրջում կազմակերպելու մեջ: Այս մասին հայտնում է Sabah թերթը:
Պարբերականի տեղեկությամբ՝ Թուրքիայի ևս մեկ քաղաքացու ձերբակալության թույլտվությունը, ով ամերիկյան դիվանագիտական առաքելության աշխատակից է, կիրակի տվել է Ստամբուլի գլխավոր դատախազությունը: Կասկածյալը չի լքում գլխավոր հյուպատոսության տարածքը՝ ձերբակալությունից խուսափելու համար, հայտնում է թերթը:
Հոկտեմբերի 4-ին Թուրքիայում ձերբակալվել է Ստամբուլում ԱՄՆ գլխավոր հյուպատոսության աշխատակից Մետին Տոպուզը «սահմանադրությունը խախտելու» և «Թուրքիայի Հանրապետության կառավարությանը տապալելու փորձի» մեղադրանքով:
