ԱՄՆ-ի պարտքային ու բյուջետային ճգնաժամը ծագեց սեպտեմբերի վերջին, երբ հանրապետականները հրաժարվեցին քվեարկել հօգուտ 16.7 տրլն պետպարտքի «առաստաղի» բարձրացման և նոր ֆինանսական տարվա բյուջեի:
ԱՄՆ բյուջետային խնդիրները դարձել են հանդիպումների գլխավոր թեման ինչպես «ֆինանսական քսանյակի» հարթակում, որը տեղի է ունեցել Վաշինգտոնում՝ հոկտեմբերի 10-11-ին, այնպես էլ ԱՄՀ-ի աշնանային նստաշրջանում՝ գրում է RIA Novosti-ն:
Բյուջետային ֆինանսավորման դադարեցման հետևանքով հոկտեմբերի 1-ից ԱՄՆ-ում փակ են շատ պետական հաստատություններ:
Իրավիճակը կարող է լուրջ հետևանքներ ունենալ համաշխարհային տնտեսության համար: Եթե խնդիրը չկարգավորվի մինչև հոկտեմբերի 17-ը, երկիրը չի կարողանա վճարել իր պարտքերը, ինչը նշանակում է գանձապետական պարտատոմսերի տեխնիկական դեֆոլտ, որոնք համարվում են ֆինանսական շուկայում առավել հուսալի գործիքներից մեկը:
«ԱՄՆ-ը պետք է ձեռնարկի հրատապ միջոցառումներ՝ ուղղված ֆինանսաբյուջետային ոլորտում կարճաժամկետ անորոշության կարգավորմանը»,- ասվում է «Մեծ քսանյակի» ամփոփիչ կոմյունիկեում:
