Facebook-ի հիմնադիր և գլխավոր տնօրեն Մարկ Ցուկերբերգը 4 տուն է գնել Կալիֆոռնիայի Պալո-Ալտո քաղաքի իր առաձնատան մոտ: Անշարժ գույքի օբյեկտների ձեռքբերումը նրան 30 մլն դոլար է արժեցել:
Այսպիսով՝ 29-ամյա միլիարդատերը որոշել է դիմակայել ոմն ձեռներեց ռիելթորի, որը հաճախորդներին առաջարկել է դառնալ Ցուկերբերգի հարևանը: Այս մասին հայտնում է Mercury news-ը:
Ցուկերբերգն անցանկալի հարևաններից խուսափելու համար մտադիր է այդ տները վարձակալությամբ տալ նրանց, ովքեր ներկայումս ապրում են այնտեղ: Անշարժ գույքի գնմամբ Ցուկերբերգը սկսել էր զբաղվել դեռևս 2012-ի դեկտեմբերին: Տներից մեկի համար, որը մոտ 240 քառակուսի մետր տարածք է զբաղեցնում, նա 14 մլն դոլար է վճարել: 460 քառակուսի մետ մակերեսով տունը, որտեղ Ցուկերբերգը տեղափոխվել է 2011-ի մարտին, կրկնակի էժան արժե:
Սոցցանցի հիմնադրին և նրա տիկնոջը՝ Պրիսցիլլա Չանին է պատկանում նաև Դոլորես-հայթս հեղինակավոր շրջանում գտնվող տունը (Սան Ֆրանցիսկո): Նրանք այն գնել էին այս տարի 10 մլն դոլարով:
