Հայաստանի զինված ուժերի համար ընթացիկ տարին հաջող է եղել սպառազինության հագեցման տեսանկյունից: Հոկտեմբերի 2-ին լրագրողների հետ հանդիպմանն այս մասին ասաց ՀՀ պաշտպանության նախարար Վիգեն Սարգսյանը:
«Սպառազինությունը փակ ոլորտ է, և ես չեմ կարող դրա մասին մանրամասն խոսել, սակայն կարող եմ ասել, որ տարին մեզ համար հաջողված է եղել սպառազինության հագեցման տեսանկյունից»,- նշեց նախարարը:
Վիգեն Սարգսյանը հավելեց, որ Հայաստանը շարունակելու հետևողականորեն իրականացնել զինված ուժերի սպառազինությունը համալրելու աշխատանքները, ինչպես ՌԴ-ի հետ 200 միլիոն դոլարի վարկային համաձայնագրի շրջանակներում, այնպես էլ այլ ուղղություններով:
