Ոստիկանները Սպիտակ տան մոտ ձերբակալել են տղամարդու, ում մեքենայում հայտնաբերվել են մի քանի հրացաններ ու ատրճանակներ, ինչպես նաև 3 դանակ։ Ձերբակալվածը հայտնել է, որ ցանկացել է հայտնվել նախագահական նստավայրում։
CNN-ի հաղորդմամբ՝ Գաղտնի ծառայության աշխատակիցները նրան նկատել էին 17-րդ փողոցի և Փենսիլվանիա պողոտայի խաչմերուկում հանրության աչքի առաջ միզելիս։ Կասկածյալը հայտնել էր, որ ինքն ուղևորվում է Սպիտակ տուն և ցանկանում է հանդիպել Ազգային անվտանգության գործակալության տնօրեն Մայքլ Ռոջերսի և պաշտպանության նախարար Ջեյմս Մետիսի հետ։
Նա ցանկացել է խորհուրդ հարցնել պաշտոնյաներից «անհետացած աշխատավարձային կտրոնների և այն մասին, թե ինչպես հանել չիպը գլխից»։ Նրա դեմ արդեն մեղադրանք է առաջադրվել զենքի պահման կանոնների խախտման վերաբերյալ։
