Համաշխարհային բանկի՝ օրերս հրապարակած զեկույցներից մեկում տվյալներ կան այն մասին, թե միջին հաշվով ինչ ծախսերով կարող են տարբեր երկրների քաղաքացիներն ու գործարարները բիզնես վիզա ձեռք բերել ԱՄՆ մտնելու համար: Ամենադժվարը Տաջիկստանի քաղաքացիների համար է՝ նրանք միջին հաշվով 580 դոլար են տալու ԱՄՆ մտնելու բիզնես վիզա ստանալու համար: Երկրորդը Կոնգոյի դեմոկրատական հանրապետությունն է՝ $410, երրորդը՝ Մյանման ($322): Աղքատ ու կիսաավտորիտար այս երկրների տասնյակում են նաև Բելառուսը ($260)` 6-րդ տեղ, Ղազախստանը ($220)՝ 7-րդ տեղ, Հայաստանը ($210)՝ 8-րդ տեղ և Ղրղըզստանը ($205)՝ 9-րդ տեղ:
Տվյալներ կան նաև այն մասին, թե այս երկրներն իրենք որքան գումար են գանձում ԱՄՆ քաղաքացիներից՝ իրենց երկիր մտնելու բիզնես վիզայի համար: Ամենաշատը գանձում են Ղազախստանը ($200) և Բելառուսը ($190): ԱՄՆ քաղաքացիները Հայաստան մտնելու համար բիզնես վիզա կարող են ստանալ $54-ով:
