Կրթության և գիտության նախարարությանը կտրամադրվի 137 մլն 556 հազար դրամ: Գումարը կհատկացվի կառավարության պահուստային ֆոնդից:
Ամբողջ գումարից 107 մլն 556 հազար դրամը կուղղվի «Փոքր Մհեր» կրթահամալիրի «Նուբարաշեն» մասնաճյուղը անհրաժեշտ գույքով, սարքավորումներով ապահովելուն և սանհանգույցը վերանորոգելուն: Մնացած 30 մլն դրամն էլ կուղղվի «Աուտիզմ ազգային հիմնադրամ»-ին ամրացված մասնաշենքի վերանորոգման աշխատանքների մի մասը կատարելուն:
Նախարարությանը կհատակցվի ևս 50 մլն 923.7 հազար դրամ, որից 30 մլն 923.7 հազար դրամ՝ Ապարանի ռազմական հատուկ դպրոցի շենքը վերանորոգելու, 10 մլն դրամ՝ Երևանի Գ. Մարգարյանի անվան թիվ 94 ավագ դպրոցի շենքի տանիքի վերանորոգման և 10 մլն դրամ՝ Երևանի Հ. Գալստյանի անվան թիվ 83 ավագ դպրոցի շենքի տանիքի վերանորոգման համար: Հարցերը ներառված են կառավարության առաջիկա նիստի օրակարգում:
