SHAMSHYAN.com-ի տեղեկություններով՝ օգոստոսի 29-ին Հայաստանի քննչական կոմիտեի հատկապես կարևորագույն գործերով գլխավոր վարչությունում ՀՀ քր. օր.-ի 34-104 հոդվածի 2-րդ մասի 7-րդ կետով հարուցվել է քրեական գործ:
Ինչպես հայտնում է shamshyan.com-ը, այն հարուցվել է Արագածոտնի մարզի Օշական գյուղի բնակիչ, հանցագործ աշխարհում հայտնի «օրենքով գող» Օշականցի Գևորիկ մականվամբ Գևորգ Մելիքյանի նկատմամբ սպանության փորձ կատարելու փաստով:
Գ. Շամշյանի տեղեկություններով՝ քննչական վարչությունում վարույթ ընդունելու մասին որոշում է ընդունվել: Ֆոտոլրագրողի տեղեկություններով՝ այս տարվա ապրիլին մի խումբ անձինք նախապատրաստել են Գ. Մելիքյանի սպանությունը, սակայն իրենց կամքից անկախ հանգամանքներում հանցագործությունն ավարտին չեն հասցրել:
Փաստի առթիվ Ոստիկանության Արագածոտնի մարզային վարչությունում ձեռնարկում են անհրաժշետ օպերատիվ-հետախուզական և քննչական համատեղ գործողություններ՝ սպանության փորձ կատարողներին հայտնաբերելու ուղղությամբ:
Մանրամասները՝ սկզբնաղբյուր կայքում
