ՌԴ նախագահ Վլադիմիր Պուտինը պատրաստ է անել հնարավորը՝ թույլ չտալու համար, որ Մոլդովայի և Եվրամիության միջև համաձայնագիրը ստորագրվի: Այս մասին գրում է The Washington Post-ը:
«Կարելի էր մտածել, թե Ռուսաստանը կուրախանա, որ մոտիկ հարևանը դուրս է գալիս սնանկության կարգավիճակից: Սակայն դրա փոխարեն Վլադիմիր Պուտինն ամեն ինչ անում է ԵՄ-ի և Մոլդովայի միջև համաձայնագիրը կանխելու համար»,- նշում է թերթը:
Ռուսաստանն արգելել է մոլդովական գինու ներկրումը և սպառնում է դադարեցնել գազի մատակարարումները, մոլդովացի գաստարբայտերները ձերբակալված և վտարված են:
Թերթը նշում է նաև, որ Վրաստանը, Հայաստանը և Ուկրաինան նույնպես «տառապում են Պուտինի ծաղրանքներից»:
