Վանաձորի քաղաքապետարանի սոցիալական ծառայությունների տարածքային բաժնի տրամադրած տվյալներով` անցյալ տարվա հունվարին Վանաձորում հաշվառված նպաստառու ընտանիքների թիվը եղել է 6277, դեկտեմբերին` 6856: Հունվար-դեկտեմբեր ժամանակահատվածում նպաստառու ընտանիքների թիվն ավելացել է 580-ով: Այս տարվա հունվարի դրությամբ` 6904, փետրվարին` 6884, մարտին` 6884, ապրիլին` 6902, մայիսին` 6884, հունիսին` 6895, հուլիսին`6913, օգոստոսին` 6934 ընտանիք: Հունվար-օգոստոս ժամանակահատվածում նպաստառու ընտանիքների թիվն ավելացել է 30-ով:
Նպաստառու սոցիալական խմբերն են` միայնակ անժառանգ ծերեր, 75 տարեկանից բարձր կենսաթոշակառուներ, միայնակ մայրեր, միակողմանի, երկկողմանի ծնողազուրկ երեխաներ, ամուսնալուծվածներ և այլն, այսինքն` հասարակության ամենաանապահով շերտը:
Նպաստառուների տվյալները սոցիալական ծառայությունում համակարգված են ըստ թաղամասերի փոստային բաժանմունքների, որտեղից կատարվում են նպաստի վճարումները: Ըստ այդմ` ընտանեկան նպաստ ստացողների ցուցակային թիվը օգոստոս ամսվա դրությամբ ըստ փոստային բաժանմունքների հետևյալն է.
Թիվ 20/01 փ/բ- 286 ընտանիք (Տիգրան Մեծի 18, Հրապարակ)
Թիվ 20/02 փ/բ -309 ընտանիք (Վարդանանց 49, Լճեր)
Թիվ 20/03 փ/բ -138 ընտանիք (Բաթումի 28/Ե, Տրիկոտաժի տարածք, Խիմզավոդ)
Թիվ 20/05 փ/բ -274 ընտանիք (Աղայան 72, Դիմաց)
Թիվ 20/06 փ/բ-77 ընտանիք (Շիրակացու խճ. 60/5, Երրորդ մաս)
Թիվ 20/07 փ/բ-116 ընտանիք (Անդրանիկի 57, Դոսաաֆ)
Թիվ 20/08 փ/բ-504 ընտանիք (Սուխումի 14 /17, Բազում)
Թիվ 20/09 փ/բ-101 ընտանիք (Աբովյան 53, Վանաձոր)
Թիվ 20/10 փ/բ-299 ընտանիք (Բաղրամյան 41, Ղշլաղ)
Թիվ 20/11 փ/բ-215 ընտանիք (Երևանյան 151, Խնձորուտ)
Թիվ 20/12 փ/բ-314 ընտանիք (Ավետիսյան 55/57, Դիմաց)
Թիվ 20/13 փ/բ-140 ընտանիք (Գրիգոր Լուսավորիչ 6, 20/13, Խիմզավոդ)
Թիվ 20/14 փ/բ-181 ընտանիք (Նարեկացի 47, 20/14, Երրորդ մաս)
Թիվ 20/15 փ/բ-358 ընտանիք (Ներսիսյան 4, Բանգլադեշ)
Թիվ 20/16 փ/բ-181 ընտանիք (Կույրերի միավորման 64, Ավտոմատիկա)
Թիվ 20/17 փ/բ-206 ընտանիք (Աղայան 27, Դիմաց)
Թիվ 20/18 փ/բ-380 ընտանիք (Չուխաջյան 6, Ջունգլիներ)
Թիվ 20/19 փ/բ-439 ընտանիք (Ուսանողական 3, Դիմաց)
Թիվ 20/20 փ/բ-359 ընտանիք (Տարոն 2 )
Թիվ 20/21 փ/բ-317 ընտանիք (Գրիգոր Լուսավորիչ 52, շուկայի թաղամաս)
Թիվ 20/22 փ/բ-135 ընտանիք (Դեմիրճյան 16, կայարանի թաղամաս, Խիմզավոդ)
Թիվ 20/23 փ/բ-325 ընտանիք (Տարոն 4)
Ըստ ներկայացված տվյալների` Վանաձորի ամենաաղքատ թաղամասը Դիմացն է` ընդհանուր 1233 նպաստառու ընտանիքով, այնուհետև Բազումը` 504, Խիմզավոդը` 413 ընտանիք: Վանաձոր թաղամասը, որ միշտ հայտնի է եղել որպես «հարուստների» թաղամաս, ամենաքիչ նպաստառուն ունի` 101 ընտանիք:
