Այսօր դերասանուհի, գործարար և առողջ ապրելակերպի ջատագով Գվինեթ Փելթրոուն նշում է իր 41-րդ տարեդարձը: Այս կապակցությամբ առաջարկում եք հիշել գեղեցկությանը վերաբերող նրա 5 գլխավոր խորհուրդները, որոնք նրան օգնում են հիանալի տեսք ունենալ, պահպանել առողջությունն ու գրավչությունը:
1. Մարզումները սովորույթ դարձրեք և փորձեք չձանձրանալ: Մարզումներին վերաբերվեք որպես ամենօրյա սովորույթի, որը մնացածներից ոչնչով չի տարբերվում, օրինակ՝ ատամները մաքրելուց:
Հենց դա է ստիպում Գվինեթին ամեն օր մարզվել: Նա խորհուրդ է տալիս նաև պարբերաբար թարմացնել մարզումների ծրագիրը:
2. Օգնեք ձեր ստամոքսին: Գվինեթի և շատ դիետոլոգների կարծիքով՝ մարսողական համակարգն առողջության հիմքն է: Փելթրոուն խորհուրդ է տալիս տարեկան առնվազն երեք անգամ մաքրել օրգանիզմը, այդ ժամանակ ստամոքսը կսկսի նորմալ գործել:
3. Հիշեք բնության ընծաների մասին: Գվինեթը գեղեցկության բնական միջոցների երկրպագու է: Օրինակ՝ մարսողությունը խթանելու համար դերասանուհին գրեյփֆրուտ է օգտագործում:
4. Թույլ տվեք օրգանիզմը հանգստանա: Ոչ միայն մարզումները, այլև հանգիստը պետք է կանոնավոր լինի: Այդ պատճառով էլ Գվինեթը շաբաթական վեց օր մարզվում է, մեկ օր՝ հանգստանում: Հենց այդ առիթով էլ դերասանուհու տանը միշտ քաղցրավենիք, վնասական սնունդ և ալկոհոլ է պահվում:
5. Ամեն ինչում հետևեք կարգուկանոնին: Գվինեթը կարծում է, որ ամեն ինչում պետք է կարգուկանոն լինի՝ սննդի, մարզումների, մաշկին հետևելու մեջ, ինչպես նաև՝ խոհանոցում, զգեստապահարանում և ընդհանուր առմամբ՝ կյանքում: Հենց այդ պատճառով էլ հինգ տարի առաջ նա հիմնել է իր առցանց ծրագիրը և սկսել է կիսվել իր խորհուրդներով:
