Ւսրայելի վարչապետ Բենիամին Նեթանյահուն, Հևրոնում հրեա զինվորի զոհվելուն ի պատասխան, մտադիր է պաղեստինյան այդ քաղաքում, այսպես ասած, «ամրացնել» հրեաների բնակեցումը և կարգադրել է բնակիչներին տալ վիճելի Քարանձավի մերձակայքում գտնվող նախահայրերի տունը, որտեղ գտնվում է տեղի գլխավոր սրբավայրը:
Հորդանան գետից արևմուտք ընկած տարածքում գտնվող Հևրոնում մի քանի հարյուր հրեաներ բնակվում են տասնյակ հազարավոր պաղեստինցիների հետ կողք կողքի: Նախօրեին դիպուկահարը, որին այդպես էլ չգտան, մահացու վիրավորել է իսրայելցի 20-ամյա սերժանտին, ով մասնակցում էր քաղաքի հրեական մասի պաշտպանությանը:
«Նա, ով ցանկանում է մեզ վտարել մեր նախահայրերի քաղաքից, հակառակին կհասնի: Մենք մի կողմից կպայքարենք ահաբեկիչների դեմ, մյուս կողմից՝ կամրապնդենք բնակեցումը»,- ասել է Նեթանյահուն:
Վարչապտի վարչակազմը հայտնել է, որ Նեթանյահուն կարգադրել է «անհապաղ միջոցառումներ ձեռնարկել բնակեցման համար» Հևրոնում գտնվող Մախպելայի տունը, որտեղից մեկ տարի առաջ դուրս են բերվել հրեական համայնքի ներկայացուցիչները, հաղորդում է Ria Novosti-ն:
