Ադրբեջանական Anspress.com կայքի փոխանցմամբ, Նյու Յորքում գտնվող Ադրբեջանի արգործնախարար Էլմար Մամեդյարովը Իսլամական կոնֆերանս կազմակերպության (ԻԿԿ) անդամ երկրների ներկայացուցիչներին կոչ է արել աջակցել Ադրբեջանին՝ 2012-2013 թվականներին ՄԱԿ ԱԽ ժամանակավոր անդամ դառնալու հարցում։ Քվեարկությունը կայանալու է այս տարվա հոկտեմբերին։
Իր ելույթում Մամեդյարովն ԻԿԿ-ի ներկայացուցիչներին իրազեկել է Լեռնային Ղարաբաղի շուրջ բանակցային գործընթացից՝ ընդգծելով հակամարտության վերաբերյալ ՄԱԿ ԱԽ-ի ընդունած 4 բանաձևերի ի կատար ածման անհրաժեշտությունը։
Մամեդյարովը նաև ընդգծել է Ադրբեջանի՝ իսլամական աշխարհի մի մասնիկը լինելու հանգամանքը։
Մամեդյարովը համանման արտահայտություններ է հնչեցրել նաև Արաբական երկրների լիգայի ներկայացուցիչների առջև։
Հիշեցնենք, որ ԻԿԿ-ն հիմնադրվել է 1969 թվականի սեպտեմբերի 25-ին և իր կազմում ներառում է 57 երկրների։ Իսկ Արաբական երկրների լիգան հիմնադրվել է 1945 թվականին և ունի 22 անդամ։
