Ռուսաստանը և Վրաստանը որոշ ոլորտներում երկկողմ համագործակցության դրական աճ են արձանագրում: Այս մասին է ասվում Պրահայում ՌԴ ԱԳ փոխնախարար Գրիգորի Կարասինի և Ռուսաստանի հարցերով Վրաստանի վարչապետի հատուկ ներկայացուցիչ Զուրաբ Աբաշիձեի հանդիպման ավարտին ռուսական արտաքին գերատեսչության կայքում տեղադրված հաղորդագրության մեջ:
Այնտեղ նշվում է, որ դրական աճ է դիտվում առևտրի և տրանսպորտի ոլորտներում, որտեղ արդեն կոնկրետ արդյունքներ են արձանագրվել:
Կարասինի և Աբաշիձեի հաջորդ հանդիպումը դեկտեմբերին է նշանակված:
Դրա հետ զուգահեռ՝ մշակվում է նաև ռուս-վրացական Երկխոսության կենտրոնի ստեղծման հարցը:
«Վատ չեն աշխատել հասարակական և երիտասարդական կապերը, մասնավորապես խոսքը փառատոների և կլոր սեղանների մասին է։ Վրաստանի հավաքականը մասնակցում է ՈՒՀԱ-ին, իսկ այժմ խոսքը ռուս-վրացական Երկոսության կենտրոն բացելու ծրագրի մասին է»,- նշել է Կարասինը:
«Սա իր բնույթով մի կառույց է, որտեղ կհավաքվեն մեր երկրների միջև առկա տարբեր խնդիրներով հետաքրքրված մարդիկ: Առաջին նիստը կարելի է Մոսկվայում անցկացնել»,- բացատրել է նա:
