«Լիվերպուլ»-ի գլխավոր մարզիչ Բրենդան Ռոջերսը անհամբեր սպասում է Լուիս Սուարեսի վերադարձին:
«Հաջորդ շաբաթ մեզ կմիանա աշխարհի ամենաուժեղ հարձակվողներից մեկը:
Պետք չէ շատ մտածել այն մասին, որ մենք առաջին հորիզոնականում ենք: Բայց շատ ավելի լավ է այդպես, քան մրցաշարային աղյուսակի ստորին հատվածում: Այս դրության առավելությունն այն է, որ ինչքան երկար ես մնում առաջին տեղում, այնքան ավելի ագրեսիվ ես դառնում ու քո դիրքը պահելու ավելի մեծ ձգտում ես ունենում:
Դեռևս 4 խաղ ենք անցկացրել, բայց դրանք բարդ խաղեր են եղել: Բացի այդ, վերջին 16 խաղերից միայն մեկում ենք մենք պարտվել, ինչն ինձ ավելի շատ է ուրախացնում:
Երբ ես գլխավորել էի «Լիվերպուլ»-ը, մենք չէինք կարող հպարատանալ նման արդյունքով: Իսկ հիմա մենք մեկը մյուսի հետևից հաղթանակներ ենք տանում: Իսկ եթե չի ստացվում հաղթել, ապա մենք ամրություն ենք ցուցաբերում ու չենք պարտվում, ինչն եղավ «Սուոնսի»-ի դեմ խաղի վերջին 20 րոպեներին»,- ասել է Ռոջերսը:
Հիշեցնենք, որ Լուիս Սուարեսը որակազրկվել էր 10 խաղով «Չելսի»-ի դեմ խաղում Բրանիսլավ Իվանովիչին կծելու համար: ԱՊԼ-ի այս մրցաշրջանի 5-րդ տուրի «Սաուտհեմփթոն»-ի դեմ խաղը վերջինը կլինի, որում ուրուգվայցին չի օգնի «Լիվերպուլ»-ին:
