ԱՄՆ-ի Միգրացիոն և մաքսային ոստիկանությունը (ICE) Հարավային Կալիֆորնիայում ձերբակալել է 188 անօրինական ներգաղթյալի՝ հանցավորության մեջ կասկածվող անօրինական ներգաղթյալների դեմ միգրացիոն ռեյդերի շրջանակում։ Այս մասին հայտնում է Legal Insurrection պորտալը։
Կալանքի տակ վերցվածների 90 տոկոսը (169) նախկինում դատվածություն է ունեցել այդ շրջանում կատարած հանցագործությունների համար։
Ձերբակալվածները 11 երկրների քաղաքացիներ են։ Մեծամասնությունը (146 մարդ) Մեքսիկայից է, կան նաև անձիք Հայաստանից, Սալվադորից, Հոնդուրասից, Թայլանդից, Վիետնամից, Կամբոջայից, Ռուսաստանից և Ֆիլիպիններից։ Ձերբակալված հայերի թիվը չի հստակեցվում։
Ձերբակալությունների մեծ մասը (93) կատարվել է Լոս Անջելեսի շրջանում։
Ոստիկանությունը հայտնում է, որ այդ անհատներին փողոցներից և երկրից հեռացնելով՝ իրենք համայնքներն ավելի անվտանգ են դարձնում ամենքի համար։
Նշվում է, որ Մեքսիկայի սահմանին ձերբակալություններն անցած տարվա համեմատ կրճատվել են մոտ 70 տոկոսով։
