Վրացական GHN լրատվական գործակալության փոխանցմամբ, Աբխազիայի վարչապետ Սերգեյ Շամբան Комсомольская правда-ին տված հարցազրույցի ժամանակ անդրադարձել է Աբխազիայի առաջիկա նախագահական ընտրություններին.
«Ես վստահ եմ Աբխազիայում անցկացվելիք նախագահական ընտրությունների ժողովրդավարության մեջ, ինչպես նաև նրանում, որ Վրաստանը չի միջամտի այդ գործընթացին։ Որևէ արտաքին միջամտություն չի լինելու։ Դա արդեն ցույց է տվել նախկին փորձը։ Ոչ ոք չի կարող լրջորեն ազդել մեր հասարակական կարծիքի վրա։ Առավել ևս, եթե խոսքը Վրաստանի մասին է»։
Հիշեցնենք, որ աբխազական սահմանադրության համաձայն՝ նախագահական ընտրությունները պետք է անցկացվեն երեք ամսվա ընթացքում, իսկ մինչ այդ նախագահի պարտականությունները ժամանակավորապես կատարելու է 59-ամյա փոխնախագահ Ալեքսանդր Անկվաբը, որին համարում են այդ ընտրությունների գլխավոր ֆավորիտը։
