Լոս Անջելեսի քաղաքային խորհուրդը ցանկացած հետաքննության օրինական աջակցության բանաձև է ընդունել, որոնց արդյունքները կարող են հիմք դառնալ նախագահ Դոնալդ Թրամփի իմպիչմենթի համար, հայտնում է RT-ն:
Բանաձևի հեղինակն է դեմոկրատ Ռոբերտ Բլյումենֆիլդը, որին Կալիֆոռնիայում ճանաչել են տարվա օրենսդիր: Նշվում է, որ նշված հետաքննությունը թույլ կտա պարզել, թե արդյոք ԱՄՆ նախագահը թույլ է տվել խախտում, որը կարող է հիմք հանդիսանալ նրան իշխանությունից հեռացնելու համար:
Քաղաքային խորհրդի անդամների կարծիքով` Սահմանադրությանը հակառակ Թրամփը «տնօրինում է տարբեր ընկերությունների բաժնետոմսեր և եկամուտներ է ստանում տարբեր աղբյուրներից ողջ աշխարհում», իսկ այդ եկամուտները «իրենց մեջ ներառում են արտասահմանյան երկրներից պատգևատրություններ»:
Համապատասխան փաստաթղթերը արդեն հավանության են արժանացել Ռիչմոնդում, Ալամիդում, Բերքլիում, Շառլոտում, Քեմբրիջում, Լևերտեում: Այդպիսով, Լոս Անջելեսը դարձել է յոթերորդ քաղաքը, որն աջակցում է իմփիչմենթի համար հիմքերի փնտրտուքին:
