Երևանում, այսօր՝ մայիսի 12-ին, ողբերգական դեպք է տեղի ունեցել. ժամը 12։00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Շենգավիթ վարչական շրջանի Ֆրունզեի 18 շենքի բակում կնոջ դի կա։
Shamshyan.com-ի փոխանցմամբ, իրավապահները պարզել են, որ տեղի ունեցածն ինքնասպանություն է և մահացածն էլ նույն շենքի բնակչուհի՝ 77-ամյա Ի. Հ.-ն է։
Քննիչները հայտնաբերել են նաև երկտող, որտեղ գրված է, որ «այս քայլի համար ոչ ոքի չմեղադրեք»։
Աղբյուրի տեղեկություններով՝ մահացածը նախկինում էլ մի քանի անգամ ինքնասպանության փորձեր էր կատարել, որոնք կանխվել էին հարազատների կողմից։
