Վենեսուելայում ազգային գվարդիան ցուցարարների դեմ կիրառել է արցունքաբեր գազ, որը վնասել է նույնիսկ դպրոցներում, տներում և հիվանդանոցում գտնվող մարդկանց, հաղորդում է ABC-ն:
Պարբերականի տվյալներով՝ ուժայինները տարհանել են դպրոցում գտնվող երեխաներին: Նշվում է, որ երեխաներին ձեռքերի վրա հանել են շենքից և տեղափոխել հիվանդանոց: Տուժածների թիվը հստակ չի նշվում, բայց շինություններից տարհանվել են հարյուրավոր մարդիկ:
Ավելի վաղ հայտնի էր դարձել, որ մայիսի 8-ին Կարակասում բողոքի ցույցերի ժամանակ տուժել է առնվազն 16 մարդ:
