Մեծ Բրիտանիայում դատարանը երկու 12-ամյա տղաների արգելել է հայտնվել ֆուտբոլային որևէ մարզադաշտում՝ ապրիլին «Նյուքասլ Յունայթեդ» խաղից հետո տեղի ունեցած անկարգություններին մասնակցելու համար: Այս մասին հաղորդում է BBC-ն:
Երկու տղաներն էլ խոստովանել են, որ խաղից հետո, որտեղ «Նյուքասլը» 3:0 հաշվով պարտվել է «Սանդերլենդին», ճայթռուկներ են նետել:
Օրինախախտներին ոստիկանություն են հանձնել սեփական ծնողները, երբ անկարգությունների մասին հրապարակվել է մամուլում:
Երկու խուլիգանները, որոնց անունները չեն նշվում՝ հաշվի առնելով նրանց տարիքը, Նյուքասլի՝ անչափահասների դատարանի որոշմամբ 3 տարի չեն կարողանա գնալ մարզադաշտ՝ ֆուտբոլային խաղեր դիտելու:
