ԱՄՆ պետքարտուղարի ժողովրդավարության, մարդու իրավունքների և աշխատանքի հարցերով տեղակալ Թոմաս Մելիայի խոսքերով՝ եթե դիտորդները Վրաստանում ընտրական միջավայրն արդար համարեն, ապա դա ուղղակիորեն կազդի Եվրատլանտյան դաշինքին ինտեգրվելու վրա: Այս մասին հաղորդում է Trend-ը:
Նրա խոսքերով՝ այս շաբաթ ամերիկյան պատվիրակությունը հանդիպել է Վրաստանի բարձրաստիճան անձանց, այդ թվում նախագահի և վարչապետի, խորհրդարանի նախագահի, արդարադատության նախարարի, քաղաքական կուսակցությունների առաջնորդների հետ:
«Բոլոր հանդիպումների ընթացքում մենք ընդգծել ենք, որ առաջիկա ընտրությունները Վրաստանի համար հնարավորություն են՝ ցույց տալու, որ երկիրը շարունակում է զարգանալ և, ելնելով դրանից՝ շարունակում է հետևել եվրատլանտյան կուրսին: Եթե տեղացի և միջազգային դիտորդները Վրաստանում ընտրական միջավայրն արդար համարեն և ասեն, որ մենք գործ ունենք օրենքի գերակայության, թափանցիկության, մամուլի ազատության հետ, դա ուղղակի ազդեցություն կունենա Վրաստանի եվրատլանտյան ձգտման վրա»,- հայտարարել է Մելիան: