43-ամյա Նաոմի Քեմբլը վերջին շրջանում հաճախ դուրս չի գալիս բեմահարթակ: Նա աստիճանաբար հեռանում է մոդելային բիզնեսից՝ գրում է eg.ru-ն:
Սակայն հայտնի դիզայներ Դիանա Ֆոն Ֆյուրստենբերգի համար նա բացառություն է արել: Նաոմին մասնակցել է մոդելյորի հավաքածուի ցուցադրությանը Նյու Յորքի նորաձևության շաբաթվա շրջանակում:
Նա դարձավ Diane Von Furstenberg-ի գարուն-ամառ-2014-ի ցուցադրության աստղը՝ սև, կարճ, մարմինը կիպ գրկող զգեստով:
Սև կիսաթափանց կտորը զարդարված էր սև ու ոսկեգույն քարերով, որը հետաքրքիր նախշեր էր կազմել կտորի վրա:
Բարակ կտորն ու նախշերը Նաոմիի հետ դաժան կատակ խաղացին՝ զգեստի տակից պարզորոշ երևում էր նրա կուրծքը: Անձամբ Նաոմիին իր «մերկ» զգեստը չի ամաչեցրել՝ իր կարիերայի ընթացքում նա մեկ անգամ չէ այդպես ներկայացել:
