ՆԱՏՕ-ի գլխավոր քարտուղար Յենս Սթոլթենբերգը հայտարարել է ՆԱՏՕ-ի «Վճռական աջակցություն» առաքելության հնարավոր ընդլայնման մասին։ Այս մասին նա հայտարարել է Welt am Sonntag թերթի հետ հարցազրույցում։
Բացի այդ, դաշինքի որոշ անդամները կողմ են հանդես գալիս այն բանին, որպեսզի առաքելության գործողությունները երկարացվեն ոչ թե տարեկան մեկ անգամ, ինչպես հիմա, այլ մի քանի տարում մեկ անգամ։ Սպասվում է, որ այդ հարցերով ամփոփիչ որոշում կընդունվի հունիսին։
«Վճռական աջակցություն» առաքելությունը մեկնարկել է 2015 թվականի սկզբին՝ փոխարինելով 13-ամյա մարտական ISAF առաքելությանը։ Եթե ISAF-ի շրջանակում երկրի տարածքում գործի էին դրված ՆԱՏՕ-ի 140 հազար զինվորականներ, ապա նոր առաքելության անձնակազմի թվաքանակը դեռևս սահմանափակվում է 13 հազար զինվորով, ովքեր չեն մասնակցում մարտական գործողություններին, այլ զբաղվում են աֆղանական անվտանգության ուժերի նախապատրաստմամբ ու խորհրդատվությամբ։
