ԱՄՆ նախկին առաջին տիկին Միշել Օբաման հայտարարել է ապագայում ընտրովի պաշտոններ զբաղեցնելու ցանկության բացակայության մասին։ Այս մասին հայտնում է USA Today-ը։
«Ես չեմ կարող խնդրել երեխաներից կրկին անցնել դրա միջով, քանի որ, երբ առաջադրվում ես բարձր պաշտոնի, դա ոչ միայն դու ես անում, այլև ողջ ընտանիքդ»,-ասել է նա։
Միշել Օբաման հայտնել է, որ չի ցանկանում քաղաքականություն մուտք գործել, քանի որ վախենում է, որ դա կանդրադառնա իր երեխաների կյանքի վրա։ Դա նրա առաջին հանրային ելույթն էր Սպիտակ տունը լքելուց ի վեր։
«Քաղաքականությունը բարդ բան է»,-ասել է Միշել Օբաման, ով Սպիտակ տունը լքել է 68 տոկոս վարկանիշով (10 տոկոսով ավելի իր ամուսնուց)։ «Սակայն պետական ծառայությունը միշտ մեր արյան մեջ կլինի»,-հավելել է նախկին առաջին տիկինը, ով մասնակցել է Օռլանդոյում Ճարտարապետների ամերիկյան ինստիտուտի համագումարին։
