Եվրամիության արտաքին հարաբերությունների ու անվտանգության քաղաքականության բարձրագույն ներկայացուցիչ, Եվրոպական հանձնաժողովի փոխնախագահ Քեթրին Էշթոնը «ջերմորեն ողջունել է» Հայաստանի նախագահի կողմից առաջարկված և խորհրդարանի կողմից հաստատված ընդհանուր համաներումը:
«Ողջունում եմ նաև նախագահ Սարգսյանի նախաձեռնությունը` վերսկսելու 2008թ. ընտրություններին հաջորդած դեպքերի հետաքննությունը: Սրանք կարևոր զարգացումներ են Հայաստանի համար, որոնք համապատասխանում են ԵՄ կողմից վաղուց հնչեցրած պահանջներին և ԵԱՀԿ ԺԻՄԻԳ առաջարկներին:
Խրախուսում եմ Հայաստանի քաղաքական ուժերին օգտվել այս հնարավորությունից` վերսկսելու երկխոսությունը», – ասել է Քեթրին Էշթոնը: