«Ավելացված արժեքի հարկի մասին» օրենքով ձեռնարկատիրական գործունեություն վարելու իրավունք ունեցող ոչ առևտրային կազմակերպությունները հնարավորություն չունեն հաշվառման վայրի հարկային մարմնին վերադաu հարկային մարմնի uահմանած ձևով գրավոր հայտարարություն ներկայացնել ԱԱՀ վճարող համարվելու վերաբերյալ: Նման հնարավորություն ունեն միայն շրջանառության հարկ վճարող համարվողները:
Արդյունքում՝ ձեռնարկատիրական գործունեություն վարելու իրավունք ունեցող ոչ առևտրային կազմակերպությունները, մինչև ԱԱՀ օրենքով սահմանված շեմը գերազանցելու պահը, ծառայություններ մատուցելիս (աշխատանքներ կատարելիս) գանձում են գումար առանց ԱԱՀ-ի:
Այդ իսկ պատճառով օրենքում առաջարկվում է փոփոխություն, որով հնարավորություն կտրվի ձեռնարկատիրական գործունեություն վարելու իրավունք ունեցող բոլոր ոչ առևտրային կազմակերպություններին «Ավելացված արժեքի հարկի մասին» օրենքի 3-րդ հոդվածի 4-րդ կետով սահմանված կարգով ևս համարվելու ԱԱՀ վճարող: